06.10.2026 | 21:16
Ավանեսյանը այցելել է Շաքիում վիրավորված Անի Ավետիսյանի ընտանիքին
Արաս Օզբիլիսը պայմանագիր կստորագրի «Փյունիկ»-ի հետ. երևանյան ակումբը հաստատում է
31.08.2019 | 19:10
Հայաստանի ազգային հավաքականի կիսապաշտպան Արաս Օզբիլիսը օգոստոսի 31-ին պայմանագիր կստորագրի Երևանի «Փյունիկ»-ի հետ:
«Արմենպրես»-ի հետ զրույցում լուրը հաստատեց «Փյունիկ» ակումբի մարքեթինգի և PR բաժնի ղեկավար Վերա Մարտիրոսյանը:
Արաս Օզբիլիսը օրերս խզել էր պայմանագիրը թուրքական «Բեշիկթաշ» ակումբի հետ, որին պատկանում էին ֆուտբոլիստի տրանսֆերային իրավունքները: Արաս Օզբիլիսը ֆուտբոլային կարիերայի ընթացքում հանդես է եկել հոլանդական «Այաքս»-ում, Կրասնոդարի «Կուբան»-ում, Մոսկվայի «Սպարտակ»-ում և այլ ակումբներում: Ֆուտբոլիստի հետ պայմանագիր էր կնքել թուրքական «Բեշիկթաշ»-ը, սակայն նա չկարողացավ տեղ գտնել թիմի մեկնարկային կազմում, ինչի հետևանքով թուրքական ակումբը նրան վարձավճարով տարբեր ակումներ էր ուղարկում, իսկ վերջերս խզեց պայմանագիրը նրա հետ:
