06.08.2026 | 22:44
Ադրբեջանական բեռնատարների վարորդները Վրաստանում շաբաթներով չեն անցնում մաքսային ստուգումը․ Բաքուն դիմել է Վրաստանի ԱԳՆ-ին
Մասիսի 29-ամյա բնակիչը վիճաբանության ժամանակ դանակահարել է 43-ամյա տղամարդուն
31.08.2019 | 17:19
Օգոստոսի 29-ին, ժամը 11.30-ին ոստիկանության Կոտայքի բաժնում հիվանդանոցից հաղորդում էր ստացվել, որ «որովայնի առաջնային պատի կտրած-ծակած թափանցող վերք» ախտորոշմամբ բուժօգնության է դիմել՝ Ձորաղբյուր գյուղի 43-ամյա մի բնակիչ, որը հայտնել էր, որ գյուղում՝ իր անզգուշության հետևանքով երկաթը մտել է որովայնը:
Նյութերի նախապատրաստման ընթացքում իրավապահները պարզել էին, որ տուժողին վիճաբանության ժամանակ դանակահարել է Մասիսի քաղաքի 29-ամյա մի բնակիչ:
Դեպքի առթիվ հարուցվել էր քրեական գործ:
Ձեռնարկված անհետաձգելի որոնողական միջոցառումների շնորհիվ կասկածյալը բերման է ենթարկվել ոստիկանության Կոտայքի բաժին, ներկայացվել Աբովյանի քննչական բաժին և ձերբակալվել:
Դանակն առգրավվել է:
Նախաքննությունը շարունակվում է:
