15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Մեզ համար կարևոր է հասկանալ՝ ինչ ենք ուզում որպես երկիր և ինչով մեր դեսպանները կկարողանան օգնել. ԱԳ նախարար. ՏԵՍԱՆՅՈՒԹ
Քաղաքականություն
30.08.2019 | 19:41
ՀՀ ԱԳ նախարար Զոհրաբ Մնացականյանը դժվարանում է նշել, թե հեղափոխությունից հետո կա՞ նախադեպ, որ դիվանագիտական կորպուսի ներկայացուցիչների շնորհիվ ներդրումներ են եկել Հայաստան:
«Արդյունքների մասին հիմա կդժվարանամ ասել, բայց դա կարևորագույն գործառույթներից մեկն է: Դա չափելը միշտ բավական բարդ է՝ ինչ ներդրումներ են եղել կամ ինչ նպաստ է եղել՝ ձևավորելու ծրագիր, որը ներդրումային է, զարգացմանն է ուղղված: Դիվանագիտական կորպուսը մասնավոր սեկտոր չէ, բայց ունի այդ ներուժը՝ օգտագործելու միջպետական հարաբերությունները և հարթակները, որտեղ անմիջական դերակատարները կարող են միմյանց ավելի մոտիկանալ և համագործակցություն ստեղծել»,- Գյումրիում լրագրողների հետ զրույցում ասել է նախարարը:
Նրա խոսքով՝ ՀՀ դիվանագիտական կորպուսի հավաքի ընթացքում յուրաքանչյուր դեսպան առաջարկներ, գաղափարներ է ներկայացնելու, թե ինչպես և ինչ ուղղությամբ կարող է իր ծառայության երկրում աշխատել:
«Այնպես չի, որ զրոյից ենք սկսում: Ուղղակի պետք է հասկանալ, թե ինչպես թիրախավորել, ինչպես ավելի գործնական ու կիրառական դարձնել աշխատանքը՝ ավելի ամրապնդելու ներքին գերակայության և արտաքին մասի կարողության կապը»,- հավելեց նա:
Նրա խոսքով՝ հիմա մեզ համար ամենակարևոր նպատակն է՝ հստակեցնել, թե մեր ներքին գերակայությունների շրջանակում ինչ ենք մենք ուզում՝ որպես երկիր, և ինչպես մեր դեսպանները կարող են օգնել՝ թիրախավորել այն ուղղությունները, որտեղ մենք առաջ կբերենք համագործակցության հարթակները:
Մանրամասները՝ տեսանյութում:
