02.04.2026 | 11:20
Եկեղեցականներ են հրավիրվել ԱԺ լսումներին, սակայն չեն եկել․ նամակ են ուղարկել․ ՏԵՍԱՆՅՈՒԹ
Վիճաբանություն և դանակահարություն Էջմիածնում. «Փաստինֆո»
Հասարակություն
22.09.2017 | 14:00
Օրեր առաջ Էջմիածնում դանակահարություն է տեղի ունեցել, վիճաբանության կողմերից մեկը եղբայրներ են եղել:
«Փաստինֆո»-ին հաջողվեց պարզել, որ դեպքը տեղի է ունեցել սեպտեմբերի 17-ին: Համբարձումյան եղբայրներն իրենց ընտանիքներով զբոսնելիս են եղել Էջմիածնում և նկատել են, որ իրենց ինչ-որ մեքենա է հետևում, որը առանց պետհամարանիշների է եղել:
Տևական ժամանակ այդ ավտոմեքենան նրանց հետևել է, ընդհուպ վթարային վիճակ ստեղծել ու ակնհայտ նայել նրանց ուղղությամբ, իսկ երբ եղբայրները փորձել են պարզել, թե որն է խնդիրը, այդ ժամանակ էլ այդ ավտոմեքենայում գտնվող մի անձ եղբայրներից մեկին դանակով հարվածել, իսկ մյուս եղբոր ուղղությամբ հարվածները բարեբախտաբար չեն դիպել:
Համբարձումյան եղբայրներից մեկը վնասվածք է ստացել ոտքի շրջանում, նրան տեղափոխել են հիվանդանոց:
Փաստի առթիվ հարուցվել է քրեական գործ՝ ՀՀ քրեական օրենսգրքի 112-րդ հոդված 1-ին մասով և 117-րդ հոդվածով:
