07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ձերբակալումը իրավաչափ չէ, բողոքարկելու ենք. Գագիկ Խաչատրյանի պաշտպան. ՏԵՍԱՆՅՈՒԹ
Հասարակություն
27.08.2019 | 22:23
Չնայած, որ կազմվել է բերման ենթարկելու մասին արձանագրություն, սակայն այդտեղ բերման ենթարկել չկա, քանի որ Գագիկ Խաչատրյանը առավոտից մասնակցում էր գործողություններին։ Ձերբակալման նպատակը եւս իրավաչափ չէ այս դեպքում, քանի որ ձերբակալումը հանցագործության կանխարգելումն է կամ դրանից հետո փախուստի կանխումը։
Այս մասին այսօր երեկոյան հրավիրված հրատապ ասուլիսի ժամանակ ասաց ՊԵԿ նախկին նախագահ, ֆինանսների նախկին նախարար Գագիկ Խաչատրյանի պաշտպան Երեմ Սարգսյանը:
«ՊԵԿ նախագահի պաշտոնավարման ժամանակահատվածում նրան վերագրվում են ինչ-որ գործողություններ, 2010, 2015 թթ․հետ կապված։ Այս դեպքում ոչ այդ ժամանակ կատարված ենթադրյալ հանցանքի կանխումը, ոչ էլ առավել եւս փախուստը չի կարող լինել նպատակը։ Եթե Գագիկ Խաչատրյանը ունենար փախնելու նպատակ, նա չէր վերադառնա Հայաստան՝ Գերմանիայում իր բուժումը կիսատ թողնելով։ Այսօրվա ձերբակալությունը վերաբերում է ՊԵԿ-ի նախագահի պաշտոնավարման շրջանում ունեցած գործունեությանը»,-ասաց պաշտպանը։
Երեմ Սարգսյանը նշեց, որ Գագիկ Խաչատրյանի ձերբակալումն իրավաչափ չէ և այն բողոքարկելու են:
Մանրամասները՝ տեսանյութում:
