18.12.2025 | 12:34
Վրաստանն արգելել է իր քաղաքացիներին քվեարկել արտասահմանում գտնվելու ընթացքում
«Շատ կարևոր է, որ օրինակելի և լավ պոլիկլինիկաները միայն քաղաքի կենտրոնում չեն գտնվում». Արսեն Թորոսյան. ՏԵՍԱՆՅՈՒԹ
Տեսանյութեր
26.08.2019 | 13:01
Միայն կառավարումից է կախված, թե որքան արդյունավետ են ծախսվում հատկացված գումարները։ Մենք այստեղ տեսանք, որ դրանք հերիքում են ոչ միայն ընթացիկ ծախսերը փակելու համար, այլև զարգանալու։ Այս մասին այսօր՝ Երևանի թիվ 13 պոլիկլինիկա կատարած այցի ընթացքում, լրագրողների հետ զրույցում նշեց առողջապահության նախարար Արսեն Թորոսյանը։
«Մենք տեսանք, թե ինչպես են նոր սարքեր ձեռք բերվել՝ պոլիկլինիկայի միջոցների հաշվին, տեսանք, որ քաղաքապետարանն է սարքեր տրամադրել։ Չեմ ասի՝ Երևանի ամենալավ, բայց ամենաօրինակելի պոլիկլինիկաներից մեկն է, որն, ի դեպ, չի գտնվում Երևանի կենտրոնում, որովհետև հաճախ կարծրատիպ կա, որ կենտրոնում է ամեն ինչ լավ, ծայրամասերում վատ է։ Մենք կարող ենք գնալ մարզային պոլիկլինիկա և տեսնել, որ այն շատ լավն է»,- նշեց նախարարը։
Նրա խոսքով՝ առաջին անգամ պետական պատվերի շրջանակներում ամբուլտոր պալիատիվ բուժումը հենց այդ պոլիկլինիկայում է սկսել։
«Մեր քաղաքացիները, որոնք հիմնական անբուժելի հիվանդության ամոքիչ բուժօգնության կարիք ունեն, նույնպես պետության հոգածության ներքո են և տնային պայմաններում ստանում են այդ բուժօգնությունը՝ բժշկի, բուժքրոջ, սոցիալական աշխատողի և հոգեբանի միջոցով»,- ասաց նախարարը։
Արսեն Թորոսյանը նշեց, որ առաջիկայում աշխատելու են այս ծրագրում նաև մյուս պոլիկլինիկաները ներառելու ուղղությամբ։ Բացի այդ, փորձելու են պալիատիվ բուժումը նաև ստացիոնար պայմաններում ապահովել՝ պետության հաշվին։
Մանրամասները՝ տեսանյութում:
Նելլի Մելքոնյան
