09.10.2026 | 22:14
Հայաստանի մի շարք հասցեներում էլեկտրաէներգիայի անջատումներ կլինեն
Նիկոլ Փաշինյանը Մարտի 1-ի գործով կողմ է, հետևաբար այդ կողմը չի կարող լինել արդար. Զարուհի Փոստանջյան․ ՏԵՍԱՆՅՈՒԹ
Հասարակություն
21.08.2019 | 14:33
Նիկոլ Փաշինյանը «Մարտի 1»-ի գործով կողմ է, հետևաբար՝ այդ կողմը չի կարող լինել արդար ու օբյեկտիվ: Այս մասին լրագրողների հետ զրույցում ասաց Զարուհի Փոստանջյանը։
Նա ընդգծեց, որ «Մարտի 1»-ի գործը պետք է քններ ոչ թե նախաքննական մարմինը, այլ անկախ մարմին: «Եթե ցանկանում ենք, որ տեղի ունենա իրապես բազմակողմանի, օբյեկտիվ ու ամբողջական քննություն, ապա գործը պետք է քններ անկախ մարմին, ոչ թե կողմ հանդիսացող մի նախաձեռնություն, որն այս պահին ՀՔԾ-ն է։ Նիկոլ Փաշինյանը «Մարտի 1»-ի գործով կողմ է, նա առանձին միավոր չէ, և հետևաբար՝ այդ կողմը չի կարող լինել արդար ու օբյեկտիվ, ու մենք դա տեսանք։ Հասկանում ենք, որ «Մարտի 1»-ի գործն ինչպես Սերժ Սարգսյանի պաշտոնավարման ժամանակահատվածում էր քնած, այնպես էլ այս պահի դրությամբ որևէ մեկին մեղադրանք չի առաջադրվել սպանությունների կամ հրազենային վնասվածք պատճառելու համար, այս պահին այդ մեղադրանքները, որոնք հրապարակվել են, սպանության հետ կապ չունեն ու բավականին վիճելի են»,- նշեց նա:
Ըստ Զարուհի Փոստանջյանի՝ դրանք հաջողություն չեն բերելու բացահայտման տեսանկյունից. «Այստեղ մենք ունենք խնդիրներ, և շատ եմ ցավում, որ բացահայտման փոխարեն՝ տեղի է ունենում ոչ թե իրավական գործընթաց, այլ մաքուր քաղաքական գործընթաց»։
Մանրամասները՝ տեսանյութում:
Նարեկ Կիրակոսյան
