14.12.2025 | 18:20
Թաիլանդն ու Կամբոջան շարունակում են ռազմական գործողությունները
Վանաձորի 64-ամյա բնակչուհին ձերբակալվել է գողության մեղադրանքով
Հասարակություն
20.08.2019 | 21:39
Օգոստոսի 17-ին, ժամը 19-ի սահմաններում, Վանաձորի մի բնակչուհի ոստիկանության Տարոնի բաժնում հաղորդում է տվել, որ Շիրվանզադեի փողոցի մի խանութում իր պայուսակից գողացել են դրամապանակը, որի մեջ եղել է փող, անձնագիր, բանկային ու սոցիալական ապահովման քարտեր, երկու արծաթյա և երկու հասարակ մատանի:
Ձեռնարկված օպերատիվ-հետախուզական միջոցառումնների շնորհիվ քրեական հետախույզները տեղեկություններ են ստացել, որ գողությունը, հնարավոր է, կատարած լինի Վանաձորի Գրիգոր Լուսավորչի փողոցի բնակիչ 64-ամյա բնակչուհին:
Նույն օրը գողություն կատարելու կասկածանքով նա բերման է ենթարկվել ոստիկանության Տարոնի բաժին: Կասկածվողի անձնական խուզարկությամբ հայտնաբերվել է նշված դրամապանակը՝ ողջ պարունակությամբ: Նա տվել է խոստովանական բացատրություն: Նախապատրաստվում են նյութեր:
