27.09.2026 | 17:39
Բիլ Գեյթսը զգուշացրել է, որ արհեստական բանականության պատճառով կարող է մինչև մեկ միլիարդ մարդ մահանալ
Չեմ կարծում, որ Սերժ Սարգսյանին կձերբակալեն․ Սեյրան Սարոյան․ ՏԵՍԱՆՅՈՒԹ
Քաղաքականություն
20.08.2019 | 14:16
ԱԺ նախկին պատգամավոր, գեներալ Սեյրան Սարոյանը չի հավատում, որ Սերժ Սարգսյանին ձերբակալելու մասին տեղեկություները ճիշտ են: Այս մասին լրագրողների հետ հանդիպման ժամանակ ասաց Սեյրան Սարոյանը՝ անդրադառնալով Միքայել Մինասյանի հարցազրույցին, որտեղ վերջինը նշում է, թե ՀՀ երրորդ նախագահ Սերժ Սարգսյանը ձերբակալվելու է:
«Դժվար տենց բան լինի, որովհետև հենա մի հոգի բռնել ենք, ի՞նչ եղավ, որ երկրորդին բռնենք: Սուտի շուխուռ ա, չեմ հավատում»,-ասաց նա:
Հարցին՝ եթե, այնուամենայնիվ, Սերժ Սարգսյանը ձերբակալվի, ինքը բողոքի դուրս կգա՞՝ հաշվի առնելով, որ նախկինում հայտարարել էր, թե պետք է Աստծուց խնդրենք, որ Սերժ Սարգսյանը չփոշմանի և դառնա ՀՀ վարչապետ, Սարոյանը պատասխանեց. «Էլի Աստծուց կխնդրեմ, որ բաց թողնեն»:
Նա հիշեցրեց՝ իր վերջին հարցազրույցում ասել է, թե կցանկանար, որ Նիկոլ Փաշինյանը Սերժ Սարգսյանի նման արտաքին քաղաքականություն վարի. «Ես չեմ ասել՝ անփոխարինելի մարդ չկա, բայց այսօր էլ եմ ասում, որ եթե Նիկոլ Փաշինյանը կարողանա Սերժ Սարգսյանի նման արտաքին քաղաքականություն տանի, մենք շատ լավ ենք լինելու»:
Սարոյանն ասաց, որ Նիկոլ Փաշինյանի հետ հանդիպի, այդ հարցերից էլ կխոսի. «Էս քանի օր գնալու եմ հանդիպեմ: Եկել եմ, շուտվանից չեմ տեսել: Նորմալ հարաբերություններ ունենք»:
Մանրամասները՝ տեսանյութում:
Նարեկ Կիրակոսյան
