13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Հայկական զինուժն իր դիրքերն ամրապնդել է Տավուշի մարզում. Արծրուն Հովհաննիսյան
Հասարակություն
19.08.2019 | 11:18
Հայկական զինված ուժերը բարելավել են իրենց դիրքերը Տավուշի մարզում՝ Ադրբեջանի հետ սահմանագծում, բայց թվային տվյալներ, տարածքի անվանումներ չեմ կարող նշել: Այս մասին Factor.am-ի հետ զրույցում ասաց ՀՀ ՊՆ մամուլի խոսնակ Արծրուն Հովհաննիսյանը։
«Կոնկրետ թվերով, հեկտարներով չեմ կարող ասել: Միայն կնշեմ, որ հայկական զինուժն իր դիրքերն ամրապնդել է Տավուշի մարզում և մեր ԶՈՒ-ի գործողությունները հակառակորդի համար եղել են անսպասելի»,- ասաց Հովհաննիսյանը։
Նշենք, որ պատմաբան Արթուր Եղիազարյանն իր ֆեյսբուքյան էջում գրել էր, որ հայոց բանակը հերթական անգամ փաստում է, որ օպերատիվությամբ և խնդիրներն արդյունավետ լուծելու կարողությամբ մնում է իր բարձրության վրա։
«Վերջին ամիսներին, թշնամու սահմանապահների դեմ պայքարում, ՀՀ Զինված ուժերը լուրջ հաջողություններ է գրանցել Տավուշի մարզի հյուսիսային հատվածում: Ադրբեջանի սահմանապահ ծառայության ստորաբաժանումները փորձել են միջդիրքային տարածքում առաջանալ և նոր բնագիծ զբաղեցնել «Բաբաքյար» կոչվող լեռան շրջակայքում, բայց հանդիպելով գնդապետ Գրիգորի Խաչատուրովի հրամանատարությամբ գործող ՀՀ ՊՆ 3-րդ բանակային զորամիավորման մարտական ստորաբաժանումների դիմադրությանը՝ ստիպված են եղել մնալ իրենց տարածքում: Գերազանցելով հակառակորդին՝ ՀՀ զինված ուժերի ստորաբաժանումները, ըստ որոշ աղբյուրների, կարողացել են ավելի քան 140 հեկտար տարածքի վրա վերահսկողություն սահմանել (ազատագրել)»,- գրել է Եղիազարյանը:
