07.06.2026 | 10:03
Նիկոլ Փաշինյանը քվեարկում է ԱԺ ընտրություններում. ՈՒՂԻՂ
Սոնա Աղեկյանին բերման են ենթարկել ոստիկանության բաժին. ՈՒՂԻՂ
16.08.2019 | 12:13
Երևանի քաղաքապետարանի առջև բողոքի ակցիայից հետո ոստիկանները բերման ենթարկեցին նախորդ ավագանու «Երկիր Ծիրանի» խմբակցության անդամ Սոնա Աղեկյանին։
Նա մայրաքաղաքի կոմունալ վարչության պետին ցուցադրեց կոյուղաջուրը, նետեց տարաները, ինչից հետո բերման ենթարկվեց Ոստիկանության Կենտրոնի բաժին։ Այստեղ ժամանեցին նաև ԱԺ ԲՀԿ խմբակցության պատգամավորներ Նաիրա Զոհրաբյանը և Վահե Էնֆիաջյանը։
Պատգամավորները բաժանմունքում երկար չմնացին։ Շենքից դուրս գալով՝ տեղեկացրին, որ իրավական գործողություններից հետո Աղեկյանին ազատ կարձակեն։
Հիշեցնենք, որ վաղ առավոտյան Սոնա Աղեկյանը և ԱԺ ԲՀԿ խմբակցության պատգամավորներն այցելել էին Աղյուսագործների 86 հասցե, որտեղ սանիտարահիգիենիկ վատ պայմաններ են առաջացել։ Բնակիչներից մեկը խցանել է կոյուղագիծը, ինչի հետևանքով գարշահոտություն է առաջացել, կոյուղաջուրը լցվել է տան բակեր։ Աղեկյանը երկու տարայով քաղաքապետարան կոյուղաջուր էր տարել՝ այդ կերպ քաղաքային իշխանության ուշադրությունը սևեռելով խնդրի վրա։
