13.10.2026 | 23:09
Ֆուտբոլի կանանց Հայաստանի ազգային հավաքականը՝ Հորդանանում կայացած մրցաշարի հաղթող
Քննչական կոմիտեում տեղի է ունեցել կոլեգիայի նիստ. ՔԿ նախագահը տվել է կոնկրետ հանձնարարականներ
Հասարակություն
15.08.2019 | 11:41
ՀՀ քննչական կոմիտեում կայացել է կոլեգիայի նիստ, որը վարել է ՀՀ ՔԿ նախագահ Հայկ Գրիգորյանը: Այս մասին հայտնում է ՀՀ քննչական կոմիտեի տեղեկատվության և հասարակայնության հետ կապերի բաժինը:
Նիստին մասնակցել են կոլեգիայի անդամները, ՀՀ քննչական կոմիտեի կենտրոնական մարմնի, մարզային քննչական վարչությունների, Երևան քաղաքի քննչական վարչության տարածքային ստորաբաժանումների, զինվորական քննչական գլխավոր վարչության վարչությունների և կայազորային քննչական բաժինների պետերը, հատկապես կարևոր գործերի քննության գլխավոր և տարածքային քննչական վարչությունների գործունեության վերահսկողության գլխավոր վարչությունների պետերի տեղակալները, ՀՀ քննչական կոմիտեի նախագահի խորհրդականները:
Ամփոփվել են 2019 թվականի առաջին կիսամյակում ՀՀ քննչական կոմիտեում և ենթակա ստորաբաժանումներում կատարված աշխատանքները, վերլուծվել բացասական և դրական ցուցանիշները։ Քննարկման արդյունքներով ՀՀ ՔԿ նախագահ Հայկ Գրիգորյանը տվել է կոնկրետ հանձնարարականներ՝ արձանագրված խախտումները վերացնելու և նախաքննության կազմակերպման արդյունավետությունը բարձրացնելու ուղղությամբ։
Լավագույն ցուցանիշներ արձանագրած մի շարք աշխատակիցներ պարգևատրվել են գերատեսչական պարգևներով։
