15.05.2026 | 21:30
Դեմ ենք ԵՏՄ-ից դուրս գալուն․ երկրի վիճակն այնպես կփոխվի, որ ռիսկերը կբերեն տնտեսության փլուզում․ Միքայել Մելքումյան. ՏԵՍԱՆՅՈՒԹ
Փորձում են նոր օրենք ընդունել և ՍԴ դատավորներին շահագրգռել՝ ժամկետից շուտ լքել պաշտոնը․ Հայկ Ալումյան․ ՏԵՍԱՆՅՈՒԹ
Հասարակություն
14.08.2019 | 12:27
Մինչև հիմա ուզում էին բիրտ ուժով ՍԴ դատավորներից ազատվել, հիմա այդ բիրտ ուժին զուգընթաց՝ փորձում են առաջարկել կոմպրոմիսային տարբերակ: Այսօր հրավիրված ասուլիսում այս մասին ասաց ՀՀ երկրորդ նախագահ Ռոբերտ Քոչարյանի պաշտպաններից Հայկ Ալումյանը՝ անդրադառնալով ՍԴ անդամների համար հրաժարականի պայմաններ առաջարկող օրենսդրական դրույթին:
«Փորձում են ընդունել մի օրենք, որով շահագրգռեն Սահմանադրական դատարանի դատավորներին՝ իրենց ժամկետից շուտ լքել պաշտոնը: Եթե սա արվեր պարոն Քոչարյանի գործի հետ չկապված, եթե սա արվեր ուղղակի ընդհանուր ինչ-որ նպատակների համար, դեռ կարելի էր քննարկել՝ լա՞վ մոտեցում, թե՞ վատ մոտեցում է: Հավանաբար, էլի քննարկման արդյունքում, հնարավոր է, գայինք նրան, որ սա լավագույն տարբերակը չի»,- ասաց Հայկ Ալումյանը:
Սակայն, նրա խոսքով, ամեն ինչից ակնհայտորեն երևում է, որ այդ օրենսդրական նախագիծն ուղղակիորեն նպատակ է հետապնդում Ռոբերտ Քոչարյանի հետ կապված ՍԴ-ում ստեղծել այնպիսի իրավիճակ, որպեսզի «պարոն Քոչարյանի գործով Սահմանադրական դատարանը չիրականացնի արդարադատություն»:
Մանրամասները՝ տեսանյութում:
