17.12.2025 | 23:03
Պուտինը հայտարարել է «պատմական հողերը» ռազմական ճանապարհով գրավելու իր մտադրության մասին
ՀՔԾ-ն՝ BBC-ի հրապարակած աղմկահարույց հոդվածում նախաքննական նյութերին հղում անելու մասին
Հասարակություն
08.08.2019 | 16:31
Երեկ հրապարակվեց BBC-ի ռուսական ծառայության «Ո՞վ է 2008թ. Երևանում կրակել ցուցարարների վրա. քննությունը մատնացույց է անում Ղարաբաղից ջոկատի վրա» վերնագրով հոդվածը։
Ըստ այդ հոդվածի՝ Մարտի 1-ին ցուցարարների ուղղությամբ կրակողներին ղեկավարել է գեներալ-մայոր Սամվել Կարապետյանը (Օգանովսկի), որը գործով որպես վկա է անցնում:
Նախաքննական նյութերում նաև խոսվում է գործարար պատգամավորների՝ Գագիկ Ծառուկյանի և Սամվել Ալեքսանյանի մասին, որոնք կարող էին ֆինանսավորել Երևան բերված արցախցի ուժայիններին:
Թե ինչպես են նախաքննական այս նյութերը հայտնվել BBC-ի ռուսական ծառայության տիրապետման տակ, Factor.am-ը փորձեց պարզել Հատուկ քննչական ծառայությունից։
Ծառայության լրատվական բաժնից մեզ փոխանցեցին, որ BBC-֊ի ռուսական ծառայությանը որևէ տեղեկատվություն Հատուկ քննչական ծառայությունից չի տրամադրվել։
«Ավելին, դեռևս 04.07.2019թ.-ին նրանք հարցում էին ուղարկել ՀՔԾ Մարտի 1֊ի գործով որոշ տեղեկություններ ճշտելու նպատակով, սակայն 09.07.2019 թ. ֊ին ՀՔԾ֊ից նրանց պատասխանել են, որ նրանց հարցերի վերաբերյալ որևէ տեղեկատվություն չի կարող տրամադրվել՝ նախաքննության շահերից ելնելով»,-հայտնեցին ՀՔԾ լրատվականից։
Հիշեցնենք, որ բրիտանական հեղինակավոր լրատվամիջոցը Մարտի 1-ի գործի քննության վերաբերյալ երեկվա հրապարակման մեջ պնդել էր, որ հետաքննության նյութերին ծանոթանալու բացառիկ հնարավորություն է ստացել:
Աղավնի Սուքիասյան
