12.11.2024 | 23:27
Գրետա Թունբերգը ժամանել է Հայաստան
ԵՏՄ գագաթնաժողովը Ղրղզստանում կանցկացվի՝ չնայած նախկին նախագահի շուրջ ստեղծված իրավիճակին
Քաղաքականություն
08.08.2019 | 11:53
Նախկին նախագահ Ալմազբեկ Աթամբաևի շուրջ ստեղծված իրավիճակը չի անդրադառնա Եվրասիական տնտեսական միության (ԵՏՄ) գագաթնաժողովը Ղրղզստանում անցկացնելու ծրագրերի վրա: Այս մասին «Ինտերֆաքս»-ին ասել է Ղրղզստանի վարչապետի խոսնակ Ադիլեթ Սուլթանալիևը: ԵՏՄ անդամ պետությունների կառավարությունների ղեկավարների հանդիպումը, հիշեցնենք, տեղի կունենա օգոստոսի 8-9-ին Իսիկ Կուլում:
Սուլթանալիևի խոսքով՝ որևէ ծրագիր չի փոխվել, անդամ պետությունների պատվիրակությունները Չոլպան Աթա կժամանեն նախատեսված ժամանակացույցով:
Նշենք, որ պաշտոնական պատվիրակությունները Ղրղզստան կժամանեն օգոստոսի 8-ին, իսկ գագաթնաժողովը կանցկացվի օգոստոսի 9-ին:
Հիշեցնենք, որ օգոստոսի 7-ի երեկոյան Բիշքեկի մերձակայքում հատուկ նշանակության ջոկատայինները գրոհել են Ղրղզստանի նախկին նախագահ Ալմազբեկ Աթամբաևի տունը՝ նրան ձերբակալելու նպատակով: Մինչև հիմա, սակայն, դա չի հաջողվել:
Գործողության ընթացքում փոխհրաձգություն է տեղի ունեցել, մեկ հատուկջոկատային զոհվել է, 52 վիրավոր կա:
