28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Թուրքական ինքնաթիռները 53 անգամ խախտել են Հունաստանի օդային սահմանը
Քաղաքականություն
06.08.2019 | 19:40
Հունաստանի Գլխավոր շտաբը հայտարարել է, որ Թուրքիային պատկանող ռազմական ինքնաթիռները 53 անգամ խախտել են հունական օդային սահմանը:
Գլխավոր շտաբի հայտարարության մեջ նշվում է.
«Օգոստոսի 5-ին թուրքական 12 ինքնաթիռ, որից 10-ը` F-16, իսկ 2-ը CN-235 տեսակի ռազմական բեռնափոխադրող, Էգեյան ծովի հյուսիսարևելյան, կենտրոնական և հարավարևելյան ուղղությամբ 53 անգամ խախտել են Հունաստանի ազգային օդային սահմանը: Բացի այդ երկու դեպքերում էլ հունական և թուրքական ինքնաթիռների միջև օդային թվացյալ պատերազմ է տեղի ունեցել»:
Բացի գլխավոր շտաբի հայտարարությունից, թեմային անդրադարձել է նաև ռուսական «Sputnik» լրատվական գործակալությունը:
«Sputnik»-ի փոխանցմամբ` Թուրքիային պատկանող ինքնաթիռները Աթենքի թռիչքային տեղեկատվական գոտում խախտել են օդային սահմանը և 6 ինքնաթիռով զենք տեղափոխել:
