Քաղաքականություն
01.08.2019 | 16:04
Սիբիրում անտառային հրդեհների տարածքը մեծացել է դրանց մարելու ուղղությամբ անբավարար միջոցներ ձեռնարկելու հետևանքով: «Ռեգնում»-ի փոխանցմամբ՝ այս մասին հայտնել է ՌԴ ԱԻՆ-ի ներկայացուցիչ Սերգեյ Աբանինը:
«ԱԻՆ-ը, «Ռոսհիդրոմետ»-ը, «Ռոսլեսխոզ»-ը կանխատեսումներ արել են: Բայց Սիբիրում չեն կարողացել բավականաչափ միջոցներ ձեռնարկել՝ հրդեհը կանխելու և օջախները ոչնչացնելու համար»,- ասել է Աբանինը:
Նա նաև հավելել է, որ հրդեհի մակերեսն ավելացել է երկարատև չոր եղանակի պատճառով:
Օգոստոսի 1-ի դրությամբ՝ Կրասնոյարսկի երկրամասում և Իրկուտսկի մարզում էլ անտառային հրդեհների ընդհանուր մակերեսը շուրջ 1.8 մլն հեկտար է կազմում:
