02.07.2026 | 12:25
Դուք շուտով կստանաք լրացուցիչ 18 մլն եվրո՝ օգնելու բազմազանեցնել առևտուրը․ Ուրսուլա ֆոն դեր Լայեն․ ՏԵՍԱՆՅՈՒԹ
Խնդրել ու համոզել ենք, որպեսզի գա ու միանա մեր թիմին. Հակոբ Արշակյանը ներկայացրել է նորանշանակ փոխնախարարին. ՏԵՍԱՆՅՈՒԹ
Տնտեսություն
31.07.2019 | 15:39
ՀՀ բարձր տեխնոլոգիական արդյունաբերության նախարարությունից տեղեկացնում են, որ տեղի է ունեցել գործակարգավարական խորհրդակցություն, որը վարել էր նախարար Հակոբ Արշակյանը։
«Նա նախարարության աշխատակազմին ներկայացրել է նախարարի նորանշանակ տեղակալ Արմեն Աբրոյանին, ով համակարգելու է թվայնացման և բարձր տեխնոլոգիական արդյունաբերության ոլորտները։
«Պարոն Աբրոյանն իր ոլորտի պրոֆեսիոնալներից է, աշխատել է մեծ ընկերություններում որպես թիմի ղեկավար, այնուհետև ստեղծել է իր ստարտափ ընկերությունը արհեստական բանականության ոլորտում, որտեղից էլ խնդրել ու համոզել ենք, որպեսզի գա ու միանա մեր թիմին»,- ասել նախարարը։
ՀՀ բարձր տեխնոլոգիական արդյունաբերության նախարարությունում տեղի է ունեցել գործակարգավարական խորհրդակցություն, որը վարում էր նախարար Հակոբ Արշակյանը։
Նա նախարարության աշխատակազմին ներկայացրել է նախարարի նորանշանակ տեղակալ Արմեն Աբրոյանին, ով համակարգելու է թվայնացման և բարձր տեխնոլոգիական արդյունաբերության ոլորտները։
«Պարոն Աբրոյանն իր ոլորտի պրոֆեսիոնալներից է, աշխատել է մեծ ընկերություններում որպես թիմի ղեկավար, այնուհետև ստեղծել է իր ստարտափ ընկերությունը արհեստական բանականության ոլորտում, որտեղից էլ խնդրել ու համոզել ենք, որպեսզի գա ու միանա մեր թիմին»,- ասել նախարարը։
Արմեն Աբրոյանը, շնորհակալություն հայտնելով նման պատասխանատու աշխատանքն իրեն վստահելու համար, նշել է, որ պատրաստ է աշխատել այնպես, որ սեփական օրինակով կարողանանք վստահ ասել, որ սա է ճիշտ ճանապարհը։
Խորհրդակցության ընթացքում Հակոբ Արշակյանն աշխատակազմի ուշադրությունը հրավիրել է հատկապես գրությունների ժամկետների խիստ պահպանման, դրանց պատշաճ պատասխանելու վրա։ Նա ընդգծել է պետության կայացման համար յուրաքանչյուր աշխատակցի՝ իր գործունեության նկատմամբ պատասխանատու մոտեցումը, պետական ծառայողի դերը և նրա կողմից քաղաքացու նկատմամբ հատուկ վերաբերմունք ունենալու կարևորությունը։
Գործակարգավարական խորհրդակցությունը շարունակվել է նախորդ նիստի ընթացքում տրված հանձնարարականների կատարման ընթացքի և արդյունքների վերաբերյալ քննարկմամբ: Տրվել են նաև նոր հանձնարարականներ։
Քննարկվել են նախարարությունում ընթացող գործընթացների արդյունավետության բարձրացմանն առնչվող հարցեր»,- ասված է հաղորդագրությունում:
