29.03.2026 | 22:16
Հրդեհ ավտոմեքենայում․ տուժածներ չկան
«Հայաստանի պես իրավական երկրում գործարարը չի կարող դելֆինարիում կառուցել». փորձագետ. ՏԵՍԱՆՅՈՒԹ
Հասարակություն
30.07.2019 | 15:45
Տարակուսելի է՝ ինչպես կարող է գործարարը գալ և, առանց երկրի օրենքները հաշվի առնելու, դելֆինարիում կառուցել։ Եթե նման բան լիներ, տվյալ նախագիծը պետք է ներկայացվեր հանրությանը, ինչպես նաև Շրջակա միջավայրի նախարարությանը. այս մասին այսօր՝ ռուսաստանաբնակ հայ գործարարի կողմից Գյումրիում դելֆինարիում կառուցելու առնչությամբ հրավիրված ասուլիսի ընթացքում նշեց «Թռչնասերների միություն» ՀԿ տնօրեն, «Հասարակական ձայն» ՀԿ փորձագետ Սիլվա Ադամյանը։
«Մենք այս մասին մամուլից ենք իմացել։ Տարօրինակ է, որ նման խնդրի մասին պատկան մարմինները տեղյակ չեն»,- ասաց փորձագետը։
Նրա խոսքով՝ ջրային կաթնասունները հայաստանյան պայմաններին սովոր չեն, նրանց օվկիանոսի ջուր է անհրաժեշտ։ «Հայաստանն իր բարձրադիր գոտիներով չի համապատասխանում դելֆինների ապրելակերպին»,- նշեց Սիլվա Ադամյանը։
Նա հավելեց, որ հարցի շուրջ պարզաբանում ստանալու նպատակով նամակներ են ուղարկել Շրջակա միջավայրի նախարարություն, ինչպես նաև Բնապահպանության և ընդերքի տեսչական մարմին։
«Շրջակա միջավայրի նախարարությունը պետք է տեղեկացնի հասարակությանը իրավիճակի մասին, իսկ տեսչական մարմինը՝ ստուգումներ անցկացնի։ Այլապես՝ զարմանալի է, թե ինչպես կարող է Հայաստանի պես իրավական երկրում գործարարը դելֆինարիում կառուցել»,- եզրափակեց փորձագետը։
Մանրամասները՝ տեսանյութում:
Նելլի Մելքոնյան
