22.05.2026 | 19:35
Ռուսաստանը և՛ սպառնալիք, և՛ գործընկեր․ ինչ են ցույց տալիս IRI արդյուքները
ՌԴ գլխավոր դատախազությունը պահանջել է կոշտ և ժամանակին խափանել չարտոնված ցույցերը
Քաղաքականություն
30.07.2019 | 16:38
Չարտոնված ցույցերի կազմակերպիչների և մասնակիցների գործողություններն անհրաժեշտ է կոշտ և ժամանակին խափանել: «Վեդոմոստիի» փոխանցմամբ՝ այս մասին Գլխավոր դատախազության կոլեգիայի նիստի ժամանակ հայտարարել է գլխավոր դատախազի տեղակալ Ալեքսանդր Բուկսմանը:
Նրա խոսքով՝ Մոսկվայում չարտոնված ցույցերը «թելադրում են անհրաժեշտ շտկումներ կատարել քվեարկության օրվա (սեպտեմբերի նախապատրաստության շրջանում հսկողության կազմակերպման գործում»:
«Դատախազները պետք է կոշտ և ժամանակին խափանել ապօրինի և չարտոնված ակցիաների կազմակերպիչների և մասնակիցների գործողությունները, ժամանակին արձագանքել քաղաքացիների ընտրական իրավունքի խախտման փաստերին»,- հավելել է Բուկսմանը:
Նա ընդգծել է, որ անօրինական ցույցերի անցկացումը թույլ չտալու համար դատախազները պետք է օգտագործեն «արձագանքման ամբողջ զինանոցը՝ ներառյալ ընտրատեղամասերի հակաահաբեկչական պաշտպանվածության հարցերը»:
«Հատկապես կարևոր է, որպեսզի Մոսկվայում վերջերս տեղի ունեցած իրադարձությունները չկրկնվեն: Անհրաժեշտության դեպքում փոփոխություններ մտցնել գերատեսչական կարգադրություններում»,- հավելել է գլխավոր դատախազ Յուրի Չայկան:
Հիշեցնենք, որ հուլիսի 27-ին Մոսկվայում չարտոնված ակցիա է անցկացվել՝ ի աջակցություն Մոսկվայի քաղաքային Դումայի պատգամավորների թեկնածուների, որոնց իշխանությունները հրաժարվել են գրանցել: Իրավապահները դաժան մեթոդներով ցրել են ցույցը, ակցիայի 1.373 մասնակից ձերբակալվել է:
Հաջորդ ակցիան հայտարարվել է շաբաթ՝ օգոստոսի 3-ին:
