07.06.2026 | 10:16
Գործարարը Չինաստանից Մոսկվայով վերադառնալուց հետո ծանուցագիր է ստացել վարժական հավաքների մասնակցելու վերաբերյալ
Վերելակի պարանը կտրվելու հետևանքով վնասվածք ստացած երկրորդ աշխատակիցն է մահացել
Հասարակություն
29.07.2019 | 17:19
ՀՀ ոստիկանությունից տեղեկացնում են, որ հուլիսի 27-ին՝ ժամը 19:00-ին, ոստիկանության Էրեբունու բաժին հաղորդում է ստացվել, որ նույն օրը, ժամը 18.00-ին, Այվազովսկու փողոցի նորակառույց շենքում աշխատանքներ կատարելու ժամանակ, վերելակի պարանը կտրվել է, և սրահում գտնվող 1960 թ. ծնված Արայիկ Մարտիրոսյանը և 1974 թ. ծնված Էդմոնդ Թադևոսյանը «պոլիտրավմա» ախտորոշմամբ տեղափոխվել են հիվանդանոց:
«Նույն օրը հիվանդանոցից ոստիկանության Էրեբունու բաժին հաղորդում է ստացվել, որ ժամը 22.30-ին Էդմոնդ Թադևոսյանը վերակենդանացման բաժանմունքում մահացել է:
Հուլիսի 28-ին հիվանդանոցից հաղորդում է ստացվել, որ նույն օրը, ժամը 09.30-ին, գիտակցության չգալով, մահացել է նաև Արայիկ Մարտիրոսյանը:
Նշանակվել են դատատեխնիկական և դատաբժշկական փորձաքննություններ:
Կատարվում է նախաքննություն»,- ասված է հաղորդագրությունում:
