15.12.2025 | 14:12
Թմրանյութ օգտագործած վարորդներին կբացահայտեն տեխնիկական սարքերի միջոցով. նոր նախագիծ
Կրակոցներ Երեւանում․ 2 դիմակավորված անձինք փորձել են թալանել «ԳՈՒՇ» ՍՊԸ-ի տնօրենի տունը
27.07.2019 | 18:50
Երեւանում, հուլիսի26-ին կրակոցներ են հնչել Երեւանում. ժամը 05։50-ի սահմաններում Ոստիկանության Մաշտոցի բաժին ահազանգ է ստացվել Տիչինայի փողոցի տներից մեկի բնակչից, ով հայտնել է, որ իրենց տուն գող է մտել, որից հետո նա դիմել է փախուստի։
Shamshyan.com-ի հաղորդմամբ, ոստիկաններն ու քննիչները պարզել են, որ նույն օրը, ժամը 04։20-04։30-ն ընկած ժամանակահատվածում դիմակավորված 2 անձ, տեխնիկական միջոցների գործադրմամբ, նշված տան հյուրասենյակի պատուհանը բացել են եւ մտել ներս։
Աղբյուրի տեղեկություններով՝ բնակարանատեր՝ 52-ամյա Էդուարդ Մելքոնյանն այդ պահին իր անվամբ հաշվառված ատրճանակից կրակոցներ է արձակել, ինչից հետո արձակված կրակոցների ձայները լսելով դիմակավորված անձինք դիմել են փախուստի։
Նշված հանցագործությունը կատարելու կասկածանքով ոստիկանության աշխատակիցները ոստիկանության Մաշտոցի բաժին են կասկածանքով բերման ենթարկել Երեւանի բնակիչ 25-ամյա մի քաղաքացու, ով ներկայացվել է Աջափնյակ եւ Դավիթաշեն վարչական շրջանների քննչական բաժին եւ քննիչի որոշմամբ՝ ձերբակալվել է։
Ոստիկաններն ու քննչական բաժինը ձեռնարկում են անհրաժեշտ օպերատիվ-հետախուզական եւ քննչական համատեղ գործողություններ մյուս հանցակցի ինքնությունը պարզելու եւ նրան հայտնաբերելու ուղղությամբ։ Աղբյուրի տեղեկություններով Է․ Մելքոնյանն աշխատում է «ԳՈՒՇ» ՍՊԸ-ի տնօրեն։
