27.09.2026 | 22:05
ՏԻՄ ընտրություններում մասնակցության ամենաբարձր ցուցանիշը Թումանյանում է. այստեղ առաջադրված միակ ուժը ՔՊ-ն էր
ԱՄՆ-ն նոր պաշտպանության նախարար ունի
Քաղաքականություն
24.07.2019 | 12:53
ԱՄՆ Սենատն ընտրել է պաշտպանության նոր նախարարին։ Այս պաշտոնը կզբաղեցնի Մարկ Էսպերը, գրում է BBC-ի ռուսական ծառայությունը:
Սենատը նրա թեկնածությունը հաստատել է նախօրեին, իսկ այսօր արդեն կայացել է Էսպերի երդման արարողությունը՝ ԱՄՆ նախագահ Դոնալդ Թրամփի մասնակցությամբ:
ԱՄՆ պաշտպանության նախարարի պաշտոնը թափուր էր այն բանից հետո, երբ նախկին նախարար Ջեյմս Մեթիսը հրաժարական էր տվել՝ ԱՄՆ նախագահ Դոնալդ Թրամփի ներքին և հատկապես արտաքին քաղաքականության հետ անհամաձայնության պատճառով։
BBC-ն նշում է, որ ԱՄՆ պաշտպանության նախարարի պաշտոնը վերջին 70 տարվա ընթացքում այսքան երկար ժամանակով թափուր չէր մնացել:
Նշենք, որ Մասկ Էսպերը բանակում ծառայել է 1986-2007 թթ., մասնակցել է Պարսից ծոցի պատերազմին: Զինվորական ծառայությունը թողնելուց հետո նա աշխատել է կոմերցիոն կառույցներում, զբաղվել ռազմական ընկերությունների լոբբինգով: Այս տարվա հունիսից նշանակվել էր պաշտպանության նախարարի պաշտոնակատար:
Նելլի Մելքոնյան
