07.06.2026 | 15:30
Ամեն ինչ պետք է անենք, որ ընտրությունների լեգիտիմությունը կասկածի տակ չդրվի․ Արման Բաբաջանյան. ՏԵՍԱՆՅՈՒԹ
Հիմա էլ ենք փնտրում Վանո Սիրադեղյանին. ոստիկանապետ. ՏԵՍԱՆՅՈՒԹ
Հասարակություն
24.07.2019 | 12:56
ՀՀ ոստիկանապետ Վալերի Օսիպյանն այսօր հրավիրված ասուլիսում հայտնեց, որ Ոստիկանությունը հիմա էլ է փնտրում Վանո Սիրադեղյանին, միաժամանակ նշեց, որ ցանկացած գործ ունի իր սահմանափակումները։
«Ընդհանրապես, բոլոր գործերով ունենք օպերատիվ տեղեկություններ և տանում ենք աշխատանքներ, բայց բարձրաձայնելն անթույլատրելի է, խանգարում է»,- ասաց Օսիպյանը՝ նշելով, որ կան հարցեր, որոնք լրագրողների կողմից ստանում են հնչեղություն՝ խոչընդոտելով տվյալ գործի բացահայտմանը։
Լրագրողներից մեկի հարցին՝ վարչապետի հրահանգից հետո Ոստիկանությունը քանի՞ սևազգեստ մարդու է գունավոր բաբոչկա հագցրել, Վալերի Օսիպյանն արձագանքեց, որ ինքն ու ԱԱԾ տնօրենը հասկացել են, թե վարչապետը սևազգեստ մարդկանց մասին խոսելիս ո՞ւմ նկատի ուներ, հետևաբար՝ դա չի սպառնում ցանկացած սևազգեստի։
Իսկ հարցին՝ բռնե՞լ են իրենց իմացած սևազգեստներին, ոստիկանապետը պատասխանեց. «Բռնել ենք, բռնում ենք ու շարունակելու ենք բռնել»,- ասաց նա:
Մանրամասները՝ տեսանյութում:
Աղավնի Սուքիասյան
