04.02.2026 | 23:29
ՇՄ նախարարը և Դևիդ Կուպերը քննարկել են «Կենսաբանական բազմազանության մասին» կոնվենցիայի ներքո ընթացող գործընթացներ
«ԼՂ հակամարտության կարգավորման հարցում ԵՄ քաղաքականության մեջ ոչինչ չի փոխվել». Պյոտր Սվիտալսկի. ՏԵՍԱՆՅՈՒԹ
Քաղաքականություն
22.07.2019 | 12:03
Արցախյան հակամարտության կարգավորման վերաբերյալ Եվրամիության դիրքորոշումը շարունակում է մնալ նույնը։ Այս մասին այսօր Հայաստան-ԵՄ հարաբերություններին և ՀՀ-ում իր դիվանագիտական առաքելության ամփոփմանը նվիրված ասուլիսի ընթացքում նշեց Հայաստանում ԵՄ դեսպան Պյոտր Սվիտալսկին։
Նրա խոսքով՝ պատճառ չկա անհանգստանալու, թե ԵՄ-ն այս հարցում իր դիրքորոշումը կփոխի։ «Հակամարտության կարգավորման վերաբերյալ ԵՄ դիրքորոշումը հիմնարար սկզբունքների վրա է հիմնված և չի փոխվել։ Մենք հավատացած ենք, որ այս հարցը ռազմական որևէ լուծում չունի։ Բացի այդ, մեծապես նպաստում ենք նաև Մինսկի խմբի աշխատանքներին»,- ընդգծեց Հայաստանում ԵՄ դեսպանը։
Սվիտալսկու խոսքով՝ Եվրամիությունն Արցախյան հակամարտության հարցում կառուցողական ու հետևողական աշխատանք է տանում։
«Գուցե նույն դիրքորոշումը տարբեր ձևակերպումներով ու խոսքերով է ներկայացվել, բայց բովանդակությունը դրանից չի փոխվել»,- նշեց Սվիտալսկին։
Մանրամասները՝ տեսանյութում:
Նելլի Մելքոնյան
