15.06.2026 | 21:17
Հայաստանի և Շվեդիայի ԱԳ նախարարներն անդրադարձել են ՀՀ-ԵՄ գործընկերության խորացման հեռանկարներին
«Ծառուկյան» դաշինքը կպահանջի՞ Վլադիմիր Գասպարյանի հրաժարականը
Քաղաքականություն
15.09.2017 | 11:57
ԱԺ «Ծառուկյան» խմբակցության քարտուղար Վահե Էնֆիաջյանի խոսքով՝ Հայաստանում տեղի ունեցող յուրաքանչյուր հակաօրինական գործողություն մտահոգում է իրենց դաշինքին:
«Խորհրդարանական գործունեություն ծավալելով՝ մենք որևէ խնդիր կամ խոչընդոտ չենք տեսնում այդ տեսակ խնդիրների մասին խոսելու կամ բարձրաձայնելու: Եթե գտնենք, որ հասունացել է պահը և իրավիճակը անկառավարելի է, ապա նման ձևակերպումներով հանդես կգանք»,- նշեց Էնֆիաջյանը:
Պատգամավորն ասաց՝ Վերնիսաժում տեղի ունեցածը դատապարտելի է, և մեղավորները պետք է պատասխան տան:
Հիշեցնենք՝ երեկ Վերնիսաժի տարածքում հնչել էին կրակոցներ, որոնց հետևանքով մեկ անձ սպանվել էր, ևս մեկը՝ վիրավորվել:
Շողիկ Գալստյան
