20.05.2024 | 23:30
Վերահաստատում ենք մեր խոր մտահոգությունը. Լրագրողական կազմակերպությունները՝ լրագրողների նկատմամբ ճնշումների առնչությամբ
Սամվել Բաբայանը ծանուցված չէր. նիստը չկայացավ
Հասարակություն
19.07.2019 | 12:36
Երևանի ընդհանուր իրավասության դատարանի Կենտրոնի նստավայրում ԼՂՀ ՊԲ նախկին հրամանատար Սամվել Բաբայանի և մյուսների գործով դատական նիստը մեկնարկելուն պես հետաձգվեց: Պատճառն այն էր, որ Սամվել Բաբայանը ծանուցված չէր նիստի մասին:
Պաշտպանն ասաց, որ ինքը չի կարողացել կապ հաստատել Բաբայանի հետ: Դատավորի հարցին` արդյոք Բաբայանը մամուլին չի՞ հետևում և տեղյակ չէր նիստի մասին, պաշտպանն ասաց, որ այդ հարցին պատասխանել չի կարող:
Մեղադրողը միջնորդեց այս պայմաններում հետաձգել դատական նիստը: Պաշտպանական կողմը միացավ այս միջնորդությանը:
Դատարանը որոշեց հաջորդ դատական նիստը նշանակել օգոստոսի 12-ին՝ ժամը 15:00-ին:
Լիլիթ Շաբոյան
