11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Ես չեմ երազում Վանոյի ժամանակները. Արմեն Ռուստամյան
Քաղաքականություն
15.09.2017 | 11:23
Ազգային ժողովի ՀՅԴ խմբակցության ղեկավար Արմեն Ռուստամյանը կարծում է, որ երեկ Վերնիսաժում տեղի ունեցած միջադեպը սովորական կենցաղային ռազբորկա է, որը կարող է տեղի ունենալ ցանկացած երկրում:
«Էդպիսի երևույթներ միշտ էլ տեղի են ունենում, բայց չեմ կարծում, որ համատարած կրիմինալիզացիայի մասին է խոսքը գնում: Ինչ-որ սովորական կենցաղային կամ ինչ-որ այլ հարցերի հետ կապված ռազբորկաներ են, որոնք կարող են տեղի ո ւնենալ ցանկացած երկրում»,- խորհրդարանական ճեպազրույցների ժամին հայտարարեց Արմեն Ռուստամյանը:
Նրա խոսքով՝ կարևորն այն է, որ իրավապահ մարմինները ժամանակին արձագանքեն և բացահայտեն տեղի ունեցածը:
Հիշեցնենք՝ երեկ Վերնիսաժի տարածքում հնչել էին կրակոցներ, որոնց հետևանքով մեկ անձ սպանվել էր, ևս մեկը՝ վիրավորվել:
Մանրամասները՝ տեսանյութում:
Շողիկ Գալստյան
