04.02.2026 | 21:30
Ադրբեջանը որևէ քայլ չի ձեռնարկել Լեռնային Ղարաբաղի էթնիկ հայերի անվտանգ և արժանապատիվ վերադարձի իրավունքն ապահովելու համար. HRW
Ժամը 5-ին վրա են տալիս, երեխու կողքը հորը կանդալում․ բա տենց բա՞ն են անում․ ծեծված քաղաքացի. ՏԵՍԱՆՅՈՒԹ
Հասարակություն
18.07.2019 | 17:00
Դուռը ծեծում էին, բացեցի, ներխուժեցին և ասացին՝ շորերդ հագի, գնում ենք։ Դիմադրեցի։ Դրանից հետո՝ չգիտեմ, արդեն ջարդված էի, չգիտեմ՝ ուր են գնացել։ Ինձ եկել են, տարել հիվանդանոց։ Այս մասին այսօր լրագրողների հետ զրույցում նշեց Իջևանում երեկ տեղի ունեցած դեպքերից տուժած քաղաքացին։
Բռնության ենթարկված քաղաքացին նշեց, որ վնասվել են իր գլուխը, աչքը, թիակը և ստորին վերջույթները։
Նրա խոսքով՝ ինքը ոչ մեկի վնաս չի հասցրել, կարմիր բերետավորները հարձակվել են, հավաքվածների շարքից կանանց հեռացրել ու հարձակում գործել։
«Իրանք սկսել են ժողովրդին ջարդել, ժողովուրդն էլ իրենց ա ջարդել։ Ժամը 5։30-ին, 6-ին վրա են տալիս՝ երեխու կողքը հորը կանդալում։ Բա տենց բա՞ն են անում»,- ասաց քաղաքացին։
Հիշեցնենք, որ երեկ երեկոյան Իջևանում լարված իրավիճակ էր․ բախում էր տեղի ունեցել անտահատման իրավունք պահանջող քաղաքացիների ու ոստիկանների միջև:
Այսօր առավոտից էլ բողոքի ակցիա են իրականացնում երեկ երեկոյան Իջևանում բերման ենթարկվածների հարազատները՝ պահանջելով նրանց ազատ արձակել։
Մանրամասները՝ տեսանյութում:
Նելլի Մելքոնյան
