07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
«Կանանց հզորացնելու համար կարևոր է նրանց ձայնը լսելի դարձնել». Զարուհի Բաթոյան. ՏԵՍԱՆՅՈՒԹ
Հասարակություն
16.07.2019 | 12:43
Մենք գիտենք, որ մարզերում ապրող կանայք բավականին մեծ ներուժ ունեն և լուրջ խնդիրներ են հաղթահարում։ Հավատում ենք, որ նրանք կարող են ավելին։ Այս մասին այսօր՝ մարզերում բնակվող կանանց խնդիրների թեմայով քննարկման ընթացքում նշեց ՀՀ աշխատանքի և սոցիալական հարցերի նախարար Զարուհի Բաթոյանը։
«Մեր առաջնային քայլերից պետք է լինի խաղաղ ու ապահով միջավայրի ապահովումը, որտեղ կզարգացնենք կանանց կարողությունները։ Հատկապես մարզերում կարևոր է կանանց մասնակցությունը որոշումների կայացման գործընթացին»,- ընդգծեց նախարարը։
Նրա խոսքով՝ հաճախ կանայք ավելի ճկուն են և բաց՝ նոր իրավիճակներին հարմարվելու համար։
«Ես վստահ եմ, որ նախորդ երկու ամսվա ընթացքում Հայաստանի տասը մարզերում մեր ունեցած հանդիպումներն արդյունք կտան, և մենք շատ նոր գործընկերներ կունենանք՝ այս քաղաքականությունն իրականացնելու համար»,- նշեց Զարուհի Բաթոյանը։
Մանրամասները՝ տեսանյութում:
Նելլի Մելքոնյան
