18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Առնվազն 5 տարվա աշխատանքային ստաժ պետք է ունենա, 25 տարեկանը չի կարող ՄԻԵԴ-ում ՀՀ-ն պատշաճ ներկայացնել. Գևորգ Պետրոսյան. ՏԵՍԱՆՅՈՒԹ
Հասարակություն
09.07.2019 | 14:32
ԱԺ-ում հուլիսի 9-ին հրավիրված արտահերթ նիստում քննարկվում է «Մարդու իրավունքների եվրոպական դատարանում ՀՀ ներկայացուցչի մասին» օրինագիծը 1-ին ընթերցմամբ ընդունելու մասին հարցը:
ԲՀԿ խմբակցության պատգամավոր Գևորգ Պետրոսյանն ասաց՝ իրավագիտության ֆակուլտետն ավարտած միջին առաջադիմությամբ ցանկացած ուսանող բավարարում է ՄԻԵԴ ներկայացուցչի համար սահմանված պահանջներին:
«Բա աշխատանքային ստա՞ժը: Հարգելի փոխնախարար, Դուք ասում եք, որ ենթադրվում է՝ վարչապետն այդպիսի նշանակման չի գնա: Վերանանք, թե հիմա ով է վարչապետը: Հիմա կարող է այս վարչապետը նման նշանակման չգնա, մի ուրիշ վարչապետ գնա: Այն ժամանակ, երբ դեսպանների վերաբերյալ չափանիշները օրենսդրորեն ամրագրված չէին, դեսպաններ էին նշանակվում մարդիկ, որոնք դիվանագիտական աշխատանքի հետ այնքան ընդհանրություն ունեին, որքան ես՝ տիեզերագնացության կամ քվանտային մեխանիկայի»,- ասաց Գևորգ Պետրոսյանը:
Նա առաջարկեց հույսը չդնել վարչապետի կամ ապագա վարչապետի բարի կամքի վրա, այլ օրենսդրորեն պահանջներ սահմանել. «Ասենք՝ առնվազն 5 տարվա մասնագիտական աշխատանքային ստաժ ունենա, տարիքը գոնե 30 տարեկան լինի: Եկեք համաձայնենք, որ 25 տարեկանը որքան էլ լավ սովորած լինի, բարձր տեսական գիտելիքներ հավաքած լինի, այնուամենայնիվ, աշխատանքային փորձի բացակայության հանգամանքը ուղղակի նրան չեն կարող թույլ տալ ՀՀ-ն պատշաճ ներկայացնել Եվրոպական դատարանում»:
Մանրամասները՝ տեսանյութում:
