11.07.2026 | 12:34
Լոռիում քննարկվել է Վանաձոր-Փամբակ համայնքների միավորման օրենսդրական նախագիծը
Տարբեր պահանջներով ակցիաներ Թբիլիսիում. Ռուսթավելի պողոտան փակ է
Քաղաքականություն
08.07.2019 | 22:12
Թբիլիսիի տարբեր հատվածներում միաժամանակ մի քանի ակցիա է մեկնարկել՝ տարբեր պահանջներով: Aliq.ge-ի փոխանցմամբ՝ Վրաստանի խորհրդարանի շենքի դիմաց ԼԳԲՏ համայքի դեմ բողոքով են հավաքվել. նրանք դեմ են «Հպարտության երթին»:
Մի քանի հարյուր մետր հեռավորությամբ՝ Ազատության հրապարակում, հավաքվել են ՆԳ նախարար Գիորգի Գախարիայի հրաժարականը պահանջողները: 3 շաբաթ նրանք խորհրդարանի մոտ էին ակցիաներ անում, սակայն այսօր առավոտյան նրանց տեղը զբաղեցրել են «Ավանդույթների համար պայքարողները»:
Վրաստանի ներքին գործերի նախարարությունը ուժեր է մոբիլացրել՝ բախումներից խուսափելու նպատակով: Երկու ակցիաների մասնակիցների միջև ոստիկանական պատ է կանգնած:
Երրորդ ակցիան ընթանում է «Ռուսթավի 2» հեռուստաընկերության դիմաց: Պատճառը կիրակի երեկոյան հեռուստաընկերության հայտնի հաղորդման շրջանակներում լրագրող Գիորգի Գաբունիայի հայհոյախառն կոչն է՝ ուղղված ՌԴ նախագահ Վլադիմիր Պուտինին: Հավաքված քաղաքացիները պահանջում են, որ Գաբունիան ու հեռուստաընկերության ղեկավար Նիկա Գվարամիան ներողություն խնդրեն:
Անսպասելի մեկնարկեց նաև 4-րդ՝ ԼԳԲՏ անձանց պաշտպանության ակցիան, որն ավելի վաղ չեղյալ էր հայտարարվել կազմակերպիչների կողմից: Ակցիայի մասնակիցները «Ոչ հոմոֆոբիային», «Պետություն, ո՞ւր ես» պաստառներով ու ԼԳԲՏ դրոշներով կանգնել են ներքին գործերի նախարարության շենքի մոտ, հնչեցրել իրենց պահանջերն ու հեռացել:
