09.08.2026 | 12:56
Սևանա լճում ջրափրկարարները նկատել են շրջված ջրային մոտոցիկլետ․ ՆԳՆ
Կարո՞ղ եք երաշխավորել, որ ՀՀ ԶՈՒ բոլոր տանկերը «նա խադու» վիճակում են. Նիկոլ Փաշինյանի հարցը վարչապետին
Քաղաքականություն
13.09.2017 | 18:25
ԱԺ «Ելք» խմբակցության ղեկավար Նիկոլ Փաշինյանն այսօր կառավարության հետ հարցուպատասխանի ընթացքում ՀՀ վարչապետ Կարեն Կարաետյանին հիշեցնելով վերջինիս հայտարարությունը, որ անցած տարվա ապրիլյան պատերազմի ընթացքում եղել են դեպքեր, երբ վատորակ վառելիքի պատճառով տանկերը չեն աշխատել, հարցրեց. «Արդյոք Դուք կարո՞ղ եք երաշխավորել, որ այսօր Հայաստանի ԶՈՒ բոլոր տանկերը և զինտեխնիկան այսպես ասած` «նա խադու» վիճակում են, մարտունակ են, ունեն բավարար չափով փամփուշտներ»:
Վարչապետի փոխարեն հարցին պատասխանող ՀՀ ՊՆ նախարար Վիգեն Սարգսյանը հավաստիացրեց, որ ՀՀ զինված ուժերը մարտունակ են և կազմ-պատրաստ` ցանկացած մարտահրավերի:
Նիկոլ Փաշինյանը անդրադարձավ նաև ՀՀ ռառզմարդյունաբերական համալիրի գործունեությանը, ինչի հետ կապված` Վիգեն Սարգսյանը հավաստիացրեց, որ որոշ տվյալներ ռազմական գաղտնիք են պարունակում, սակայն հաշվի առնելով Փաշինյանի պատգամավորական կարգավիճակը` նրանց համապատասխան տեղեկատվությունը կտրամադրվի. «Եվ դուք հաճելիորեն կզարմանաք»,- եզրափակեց ՊՆ նախարարը:
Առավել մանրամասն՝ տեսանյութում:
