09.05.2024 | 00:22
Ինչ են քննարկել Փաշինյանն ու Պուտինը
ԵԽԽՎ-ում մարտավարական որոշակի փոփոխություններ կլինեն. Արփինե Հովհաննիսյան
Քաղաքականություն
13.09.2017 | 14:39
ԵԽԽՎ աշնանային նստաշրջանի առաջին օրը՝ հոկտեմբերի 9-ին, նախատեսված է Պեդրո Ագրամունտին անվստահություն հայտնելու բանաձևի քվեարկությունը: Այս մասին խորհրդարանում լրագրողների հետ զրույցում ասաց ԵԽԽՎ հայկական պատվիրակության ղեկավար, ՀՀ ԱԺ փոխնախագահ Արփինե Հովհաննիսյանը։
ԵԽԽՎ պատվիրակութան ղեկավարն ընդգծեց՝ մեծ մտավախություն չունի, որ քվեարկության համար անհրաժեշտ 102 ձայները չեն ապահովվի։ «Պեդրո Ագրամունտը այս ժամանակահատվածի ընթացքում իր ցուցաբերած վարքագծով իրականում մի բան ցույց տվեց՝ նա բացարձակ չի հարգում որևէ արժեք, չի հարգում նաև սեփական ֆրակցիային», – նշեց Արփինե Հովհաննիսյանը։
Պատվիրակության ղեկավարը նաև շեշտեց, որ հայաստանյան պատվիրակության մարտավարությունը չպետք է լինի միայն պաշտպանողական և տեղեկացրեց, որ առաջիկայում սպասվում են մարտավարական որոշակի փոփոխություններ, եթե պատվիրակությունը համախոհություն դրսևորի:
Հարցազրույցն ամբողջությամբ՝ տեսանյութում:
Շողիկ Գալստյան
