05.06.2026 | 12:35
«Միասնության թևեր»-ի նախընտրական քարոզարշավը Գեղարքունիքում․ ՈՒՂԻՂ
Միակողմանի զիջումների մասին ենթադրությունն իրականությանը չի համապատասխանում. ԱԳՆ խոսնակ․ ՏԵՍԱՆՅՈՒԹ
Քաղաքականություն
03.07.2019 | 12:48
Արցախի հիմնախնդրի կարգավորման հարցով միակողմանի զիջումների սցենարի մասին ենթադրությունն իրականությանը չի համապատասխանում: Այսօր հրավիրված ճեպազրույցում այս մասին ասաց ՀՀ ԱԳՆ խոսնակ Աննա Նաղդալյանը:
Նա նշեց, որ խաղաղությանը նպաստող միջավայրի ձևավորումն առաջնահերթություն է Հայաստանի համար, քանի որ «մենք չենք հավատում, որ հնարավոր է արդյունավետություն արձանագրել բանակցություններում, եթե տեղում կա լարում»:
«Այն ենթադրությունը, որ Հայաստանը կարող է բանակցել սպառնալիքի ներքո, շատ վտանգավոր ենթադրություն է, որովհետև ՀՀ-ն մշտապես խոսել է խաղաղության դիրքերից, խոսել է բոլորի համար ընդունելի լուծում գտնելու անհրաժեշտության դիրքերից: Սակայն սա չի նշանակում, որ Հայաստանը խաղաղության համար պատրաստ է գնալ միակողմանի զիջումների, որոնք վտանգի տակ կդնեն Արցախի ինքնորոշման իրավունքը և անվտանգությունը»,- հավելեց ԱԳՆ խոսնակը:
Մանրամասները՝ տեսանյութում:
