23.07.2026 | 23:09
27 հայ զինծառայող ավարտել է բրիտանական հրահանգիչների պատրաստման դասընթացը
Քոչարյանը պետք է լինի ազատության մեջ․ Արամ Օրբելյան
Հասարակություն
03.07.2019 | 12:43
Ռոբերտ Քոչարյանի պաշտպանական խմբի անդամ Արամ Օրբելյանը պնդում է ՝ իր պաշտպանյալը պետք է լինի ազատության մեջ, և դա բխում է քրեական գործի նյութերի բովանդակությունից։
Այս մասին Արամ Օրբելյանն ասաց այսօր հրավիրված մամուլի ասուլիսի ժամանակ։
«Քոչարյանը պետք է լինի ազատության մեջ, իսկ գործը քննվի, քանի դեռ ռեալ հանգամանքներով չի հաստատվել, որ կա հնարավորություն նրա կողմից գործի քննության վրա իր ազդեցությունն ունենալու։ Եթե վերջին կալանքի հիմքն այն էր, որ բոլոր վկաների մասին արդեն Քոչարյանը տեղեկություն ունի և կարող է ազդեցություն ունենալ նրանց վրա, ապա մենք տեսանք, որ դրանից հետո նա 20 օր ազատության մեջ է եղել, և չի արձանագրվել դեպք, որ փորձ կատարվի միջամտելու գործընթացներին»,– նշեց պաշտպանը։
Խոսելով գործը քննելու ընթացքի մասին՝ Արամ Օրբելյանը հիշեցրեց, որ դատարանում հնարավորություն չի տրվել պաշտպանական կողմին ընդհանրապես ելույթ ունենալ, իսկ դա վերահաստատում է ԵԽԽՎ բանաձևով Մարդու իրավունքների եվրոպական կոնվենցիայով նախատեսած քաղաքական հետապնդման արգելքի դեպքը:
«Տեսնում ենք, որ ակնհայտորեն ոչ արդար դատավարական գործընթաց է գնում, ինչը վերահաստատում է Քոչարյանի՝ քաղաքական բանտարկյալ լինելու մեր մտավախությունները, պնդումները: Այստեղ մենք տեսնում ենք լրիվ արտառոց դեպք, երբ կողմին հնարավորություն չի տրվել ելույթ ունենալ»,- ընդգծեց Օրբելյանը։
