04.05.2024 | 22:05
Պատգամավորները Վաշինգտոնում հանդիպել են ԱՄՆ ՄԶԳ կառավարչի փոխտեղակալ Ալեքսանդր Սոկոլովսկու հետ
Արման Բաբաջանյանը դատական հայց է ներկայացրել Անդրանիկ Թևանյանի դեմ
Հասարակություն
02.07.2019 | 16:10
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանը դատական հայց է ներկայացրել 7 or.am կայքի սեփականատեր Անդրանիկ Թևանյանի դեմ։
Դատալեքս տեղեկատվական հարթակից տեղեկանում ենք, որ Արման Բաբաջանյանը Անդրանիկ Թևանյանին դատի է տվել զրպարտությունը հրապարակային հերքելու, վիրավորանքի համար ներողություն խնդրելու, փոխհատուցում վճարելու պահանջներով:
Գործը մակագրվել է Երևան քաղաքի ընդհանուր իրավասության դատարանի դատավոր Մարինա Տաշչյանին:
Թե ինչու է Արման Բաբաջանյանը դատի տվել Անդրանիկ Թևանյանին, պատգամավորից պարզել չհաջողվեց․ նա գտնվում է արտերկրում։
Արման Բաբաջանյանի մեկնաբանությունը Factor.am-ը կփորփձի ներկայացնել ավելի ուշ։
Իսկ ահա Անդրանիկ Թևանյանն ասաց, որ մեզանից է տեղեկանում, որ իր դեմ պատգամավորը դատական հայց է ներկայացրել։
«Ձեզանից տեղեկացա, որ նման բան կա, դեռ որևէ ծանուցագիր չեմ ստացել, երբ ստանամ, կծանոթանամ ու կհասկանամ, թե ինչից է վիրավորվել Արման Բաբաջանյանը»,- ասաց Անդրանիկ Թևանյանը։
