18.10.2026 | 17:42
Ռուբիոն հերքել է Starlink-ի աշխատանքի միտումնավոր դանդաղեցման մասին մեղադրանքները
Իրկուտսկում ջրհեղեղի հետևանքով 12 մարդ է զոհվել. մարզում արտակարգ դրություն է
Քաղաքականություն
01.07.2019 | 20:02
Ռուսաստանի Իրկուտսկի մարզում ջրեղեղի հետևանքով 12 մարդ է զոհել, ավելի քան 150 մարդ՝ հոպիտալացվել: Մարզում արտակարգ դրություն է հայտարարվել: Այս մասին հայտնում է ՏԱՍՍ գործակալությունը:
ՌԴ փոխվարչապետ Վիտալի Մուտկոն հայտնել է, որ ջրհեղեղից տուժած անձանց ընդհանուր թիվն այս պահին 751 է և այն շարունակ փոփոխվում է:
«Ներքին գործերի նախարարության տվյալներով՝ 12 զոհ կա, որից շուրջ 10-ին հայտնաբերելու համար որոնողական աշխատանքներ են տարվում»,- ընդգծել է ՌԴ փոխվարչապետը:
Արտակարգ իրավիճակների նախարարության տվյալներով՝ Իրկուտսկի վեց քաղաքային շրջանների 55 բնակավայրերում 3.296 տուն ջրի տակ է մնացել: Այդ տներում բնակիչների թիվը 9.809 է, որից 2.681-ը՝ երեխա: Ջրի տակ է անցել նաև սոցիալական նշանակության 18 օբյեկտ, ինչպես նաև 3.525 այգի: 1.161 մարդ աղետի գոտուց տարհանվել է:
Իրկուտսկի մարզում հեղեղումները սկսվել են դեռ հունիսի վերջին, երբ Իյա գետի մակարդակը բարձրացել էր 7 մետրով: Հունիսի 30-ին ՌԴ նախագահ Վլադիմիր Պուտինը Բրատսկի շրջանում հանդիպում է ունեցել՝ քննարկելով ջրհեղեղից տուժած շրջանների վիճակը:
Նելլի Մելքոնյան
