02.07.2026 | 12:50
Չեմ վերցնի մանդատը, ուզում եմ հանգստանալ. Ալեն Սիմոնյան․ ՏԵՍԱՆՅՈՒԹ
Դատախազը չհերքեց, որ «Մարտի 1-ի» գործով հարցաքննվել են Բակո Սահակյանն ու Արկադի Ղուկասյանը. ՏԵՍԱՆՅՈՒԹ
Հասարակություն
20.06.2019 | 18:38
«Պաշտպանության կողմը մեկ հայտարարում է, որ մենք գիտենք, թե ինչ դատական ակտ է կայացվելու, մյուս կողմից հայտարարում է՝ չգիտենք»,- Մարտի 1-ի գործով տուժողների ու դատախազության բողոքների քննությունից և դատարանի՝ խորհրդակցական սենյակ հեռանալուց հետո լրագրողների հետ զրույցում ասաց դատախազ Գևորգ Բաղդասարյանը։
Նա համաձայն չէ տեսակետի հետ, որ, ըստ էության, դատարանում բողոքի քննություն տեղի չունեցավ. «Մենք ներկայացրել ենք մեր բողոքները, պաշտպանական կողմի առանձին ներկայացուցիչներ հանդես են եկել պատասխաններով, որից հետո դատարանը ներկայացված միջնորդության հետ կապված հանդես է եկել հայտարարությամբ, որը ես էլ ձեզ նման լսել եմ»,- պատասխանեց դատախազը։
Գևորգ Բաղդասարյանին հարց ուղղվեց՝ արդյո՞ք կհաստատի փաստաբան Սեդա Սաֆարյանի տեղեկությունը, որ Մարտի 1-ի գործով հարցաքննվել են նաև Բակո Սահակյանը և Արկադի Ղուկասյանը, որոնք, հիշեցնենք, Ռոբերտ Քոչարյանի ազատության համար անձնական երաշխավորություն են ներկայացրել:
«Այդ հարցին այս պահին չեմ պատասխանի, բայց ասեմ, որ այդ հարցն առաջին ատյանի դատարանում գործի քննության ժամանակ քննարկման առարկա է դարձել»,- ասաց դատախազը։
Մանրամասները՝ տեսանյութում:
Ռոբերտ Անանյան
