09.09.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Սուրիկ Խաչատրյանի առանձնատունը, որը գտնվում է կենդանաբանական այգու մոտ, գրանցված չէ. Սարհատ Պետրոսյան. ՏԵՍԱՆՅՈՒԹ
Հասարակություն
20.06.2019 | 16:40
Անշարժ գույքի Կադաստրի պետական կոմիտեի նախագահ Սարհատ Պետրոսյանը տեղեկություններ չունի, թե Մոնումենտի շքեղ առանձնատների համար որքան գույքահարկ է վճարվում: Հիշեցնենք, որ մշտապես գրվել է, որ այնտեղ առանձնատներ ունեն Գագիկ Բեգլարյանը, Հովիկ Աբրահմայանը, Խաչատուր Սուքիասյանը, նախկին վարչապետ Կարեն Կարապետյանը, նրա եղբայրը, Սամվել Կարապետյանը և այլք:
Նիկոլ Փաշինյանն ընդդիմադիր տարիներին այս թաղամասը համարում էր կոռուպցիայի թանգարան՝ բաց երկնքի տակ:
«15 բաղադրիչ կա, որի արդյունքում ձևավորվում է գույքահարկը, հիմա չեմ կարող ասել»,- ասաց Կադաստրի ղեկավարը: Անդրադառնալով հարցին, որ կան առանձնատներ, որոնք գրանցված չեն և գույքահարկ չեն վճարում, Սարհատ Պետրոսյանն ասաց. «Իմ աշխատանքի ընթացքում հանդիպել են գույքեր, որոնք ինքնակամ են, գրանցված չեն: Գույքահարկ չեն վճարում: Նրանց մեջ եղել են և կան նախկին պաշտոնյաներ: Բազմաթիվ են նման օրինակները, երբ բերում և մեզ մոտ գրանցում են նաև Մոնումենտից: Սուրիկ Խաչատրյանի առանձնատունը, որը գտնվում է կենդանաբանական այգու ճանապարհին, գրանցված չէ»:
Մանրամասները՝ տեսանյութում:
Նարեկ Կիրակոսյան
