ՈՒԵՖԱ-ի նախկին նախագահ Միշել Պլատինին ձերբակալվել է: Նրան կասկածում են 2022 թվականին Կատարում անցկացվելիք Ֆուտբոլի աշխարհի առաջնության անցկացման վայրի ընտրության ժամանակ կաշառք վերցելու համար: Այս մասին գրում է ՌԻԱ Նովոստին՝ վկայակոչելով ֆրանսիական Mediapart-ը:
Պաշտոնական Դոհային բազմիցս են մեղադրել ձայներ գնելու համար, սակայն Ֆուտբոլի միջազգային ֆեդերացիայի (ՖԻՖԱ) հետաքննությունը կոռուպցիայի փաստեր չի բացահայտել:
«Ազատ կասկածյալի» կարգավիճակով գործով անցնում է նաև Ելիսայան պալատի նախկին գլխավոր քարտուղար Կլոդ Գեանը:
Նշվում է, որ Պլատինին ձերբակալվել է Փարիզի Նանտեր արվարձանում՝ Դատական ոստիկանության հակակոռուպցիոն վարչության գրասենյակում:
ՖԻՖԱ-ի նախկին նախագահ Յոզեֆ Բլատերի գրքում նշվում է, որ 2010 թվականի դեկտեմբերին ՖԻՖԱ-ի գործկոմում Կատարի հաղթանակը Պլատինիի նկատմամբ «քաղաքական ճնշման և դավադրության համադրության արդյունք էր», իսկ 2022 թվականի Աշխարհի առաջնությունն ասիական այս երկրում անցկացնելու որոշումը նախապես էր կայացվել: Առաջնությունն ընդունելու հայտ էին ներկայացրել նաև ԱՄՆ-ն, Հարավային Կորեան, Ճապոնիան և Ավստրալիան:
Նշենք, որ Միշել Պլատինին ՈՒԵՖԱ-ն գլխավորել է 2007-2015 թվականին և պաշտոնից հեռացվել է ՖԻՖԱ-ում կոռուպցիայի հետաքննության հետ կապված:
