02.07.2026 | 16:12
Նախագահ Վահագն Խաչատուրյանը մի շարք օրենքներ է ստորագրել
Դատախազները միջնորդեցին Մանվել Գրիգորյանի նկատմամբ նոր բժշկական փորձաքննություն նշանակել. ՏԵՍԱՆՅՈՒԹ
Հասարակություն
18.06.2019 | 12:51
Երևանի ընդհանուր իրավասության դատարանի Կենտրոնի նստավայրում շարունակվում է ԱԺ նախկին պատգամավոր Մանվել Գրիգորյանի և կրա կնոջ՝ Նազիկ Ամիրյանի գործով դատական նիստը։
Նիստին այսօր մեղադրող կողմը միջնորդություն ներկայացրեց՝ նոր բժշկական փորձաքննություն նշանակել, որը կտա մի շարք հարցերի պատասխաններ։ Մասնավորապես՝ ի՞նչ հիվանդություններ ունի Գրիգորյանը, կալանքը համատեղելի՞ է կյանքի հետ, թե՞ ոչ։
Այս արտահայտությունից հետո Գրիգորյանի կինը՝ Նազիկ Ամիրյանը քմծիծաղ տվեց։
Պաշտպանական կողմը նշեց, որ իրավաչափ չի համարում այս փուլում նման միջնորդություն ներկայացնելը: Դատախազը հակադարձեց, թե այս միջնորդությունը Մանվել Գրիգորյանի շահերից է բխում և որ պաշտպանական կողմը չի «ֆայմել» նման միջնորդությամբ հանդես գալ, իրենք են գալիս: Դատախազի խոսքը հունից հանեց պաշտպանական կողմին, նրանք սկսեցին վիճել:
Միջնորդության քննարկումը հետաձգվեց:
Մանրամասները` տեսանյութում:
Լիլիթ Շաբոյան
