08.11.2026 | 16:23
Փաշինյանն արձագանքել է Կրակովում տեղի ունեցած ողբերգությանը
Ես չեմ թաքցնում՝ ընկերներ ունեմ «Իմ քայլը» դաշինքում, բայց դատավոր ընտրվելու պահից նրանք այլևս իմ ընկերները չեն լինելու, որովհետև դատավորներն ընկերներ չեն ունենում․ Վահե Գրիգորյան․ ՏԵՍԱՆՅՈՒԹ
Հասարակություն
18.06.2019 | 12:12
Ես չեմ թաքցնում, որ ընկերներ ունեմ «Իմ քայլը» դաշինքում, ցանկություն էլ չունեմ թաքցնելու։ Այս մասին այսօր Ազգային ժողովում ասաց Սահմանադրական դատարանի դատավորի թեկնածու Վահե Գրիգորյանը։
«Ես ընկերներ ունեմ տարբեր քաղաքական կուսակցություններում, քաղաքական հոսանքներում, և որևէ տարօրինակ բան դրանում չկա։ Ես չէի էլ կարող չունենալ, քանի որ իմ գործունեությունը եղել է քաղաքացիական և քաղաքական իրավունքների պաշտպանության ոլորտում, և իմ ծառայությունների հասցեատերը եղել են այն մարդիկ, որոնք հետապնդումների թիրախ են եղել։ Բայց մեր ընկերությունը գաղափարական հիմքի վրա է եղել, որը կապ չի ունեցել կուսակցական գաղափարական հիմքի հետ»,- ասաց Վահե Գրիգորյանը՝ նշելով, որ դատավորի երդում տալու պահից նրանք այլևս իր ընկերները չեն լինելու։
«Դատավորներն ընկերներ չեն ունենում»,- ասաց թեկնածուն։
Մանրամասները՝ տեսանյութում։
