16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Քոչարյանի պաշտպանը պահանջում է քրեական գործ հարուցել Գագիկ Ջհանգիրյանի պնդումների հիման վրա. ՏԵՍԱՆՅՈՒԹ
Հասարակություն
17.06.2019 | 12:59
ՀՀ երկրորդ նախագահ Ռոբերտ Քոչարյանի պաշտպանական խմբի անդամ, փաստաբան Հայկ Ալումյանը Գլխավոր դատախազություն հաղորդում է ներկայացրել Գագիկ Ջհանգիրյանի՝ հունիսի 11-ին տված հարցազրույցում արտահայտած մտքերի վերաբերյալ: Այս մասին փաստաբանը տեղեկացրեց այսօր հրավիրված ասուլիսում:
«Առաջին ատյանի դատարանի կողմից Սահմանադրական դատարան դիմելու մասին հարց հնչեց, պարոն Ջհանգիրյանը 3 շատ կարևոր միտք արտահայտեց, որոնցից յուրաքանչյուրը քրեական գործ հարուցելու առիթ է, ոչ թե պարոն Ջհանգիրյանի, այլ նրա մատնանշած հանգամանքների վերաբերյալ։ Նա ասաց, որ ՍԴ-ում դիմումի քննության ժամկետի ձգձգումը հնարավորություն է տալիս Առաջին ատյանի և Վերաքննիչ դատարանին, որպեսզի իրենք իրենց սխալն ուղղեն։ Այսինքն՝ ՍԴ-ում քննության հետաձգումով նա շանս է տալիս ընդհանուր իրավասության դատարաններին՝ բեկանել Առաջին ատյանի որոշումներին։ Եթե այդպես է՝ նախապես պլանավորված, որոշված դատական ակտերի մասին է խոսքը»,- նշեց փաստաբանը:
Հայկ Ալումյանը մեջբերեց նաև Գագիկ Ջհանգիրյանի խոսքի այն հատվածը, որ Սահմանադրական դատարանն այս կազմով չի քննելու Առաջին ատյանի դատարանի դիմումը՝ փոփոխություններ են տեղի ունենալու: «Իսկ ե՞րբ կարող է ՍԴ-ում փոփոխություն տեղի ունենալ, երբ արդեն տեղեկություն կա, որ որոշ անդամներ պետք է դուրս գան, նրանց փոխարեն ուրիշ մարդիկ պիտի գան աշխատելու։ Սրանք հեռուն գնացող հայտարարություններ են։ Ակնհայտ է, որ առնվազն երկու դատական ատյանների ապագա անելիքները հայտնի են պարոն Ջհանգիրյանին, ինչն այդպես պետք է չլիներ։ Այսօր իմ անունից հաղորդում է ներկայացվել»,- տեղեկացրեց նա:
Մանրամասները՝ տեսանյութում:
Ռոբերտ Անանյան
