08.11.2026 | 17:40
Երևանում 29-ամյա երիտասարդ է դանակահարվել և մահացել․ կասկածյալը ձերբակալվել է
Մյուս տարի շտապօգնության աշխատակիցների աշխատավարձը բարձրանալու է. նախարար. ՏԵՍԱՆՅՈՒԹ
Հասարակություն
11.06.2019 | 15:33
Մյուս տարի շտապօգնության աշխատակիցների աշխատավարձերը բարձրանալու են: Այս մասին ԱԺ-ում լրագրողների հետ զրույցում ասաց ՀՀ առողջապահության նախարար Արսեն Թորոսյանը:
Նա նշեց, որ կառույցին հավելյալ մեկ միլիարդ դրամ պետք է հատկացվի՝ այդ և այլ նպատակներով:
«Շտապօգնության աշխատակիցներին, Կառավարության որոշմամբ, տրամադրվեց սոցփաթեթ, ինչպես նաև մյուս բուժաշխատողներին: Ինչ վերաբերվում է նրանց աշխատավարձին, մյուս տարվա բյուջետային հայտով նախատեսում ենք մոտ մեկ միլիարդ դրամով ավելացնել շտապօգնության բյուջեն: Սա ենթադրելու է աշխատավարձերի բարձրացում, ինչպես նաև հավելյալ բրիգադների ներգրավում»,- ասաց նախարարը:
Նա, սակայն, չմասնավորեցրեց, թե յուրաքանչյուր աշխատակցի աշխատավարձը որքանով է բարձրանալու:
Մանրամասները՝ տեսանյութում:
Նարեկ Կիրակոսյան
