02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Միգրացիայի միջազգային կազմակերպությունը պատրաստակամ է օժանդակել կամավոր վերադարձի ոլորտում Հայաստանի կառավարության կողմից իրականացվող ծրագրերին
Քաղաքականություն
07.06.2019 | 16:16
ՀՀ կառավարությունից տեղեկացնում են, որ հունիսի 6-ին ՀՀ փոխվարչապետ Տիգրան Ավինյանն ընդունել է Միգրացիայի միջազգային կազմակերպության Հարավ-Արևելյան Եվրոպայի, Արևելյան Եվրոպայի և Կենտրոնական Ասիայի երկրների տարածաշրջանային տնօրեն Արգենտինա Սաբադոշի գլխավորած պատվիրակությանը:
«Ողջունելով հյուրերին՝ փոխվարչապետը կարևորել է ՄՄԿ-ի հետ համագործակցությունը, մասնավորապես՝ միգրացիոն քաղաքականության և օրենսդրության մշակման, միգրացիոն ոլորտում ՀՀ կարողությունների ամրապնդման հարցերում։ Տիգրան Ավինյանը նշել է, որ անհրաժեշտ է գործուն քայլեր ձեռնարկել հետագայում ՄՄԿ-ի կողմից Հայաստանում իրականացվող ծրագրերը ՀՀ կառավարության գերակայություններին համահունչ դարձնելու ուղղությամբ:
Տիկին Սաբադոշը ներկայացրել է ՄՄԿ-ի կողմից իրականացվող աշխատանքները և բարձր է գնահատել Հայաստանի իշխանությունների հետ երկու տասնամյակից ավել հաստատված արդյունավետ համագործակցությունը։ Նա հայտնել է, որ :
Հանդիպման ընթացքում զրուցակիցները քննարկել են Հայաստանի և ՄՄԿ-ի միջև համագործակցության տարբեր ասպեկտները: Տեղի է ունեցել մտքերի փոխանակում Մերձավոր Արևելքից միգրացիոն հոսքերի հետ կապված հարցերի շուրջ: Երկուստեք կարևորվել է ՄՄԿ երևանյան գրասենյակի գործունեության արդյունավետության բարձրացման ուղղությամբ քայլերի իրականացումը:
Անդրադարձ է եղել նաև առողջապահական գործոնով պայմանավորված միգրացիոն խնդիրներին»,- ասված է հաղորդագրությունում:
