17.11.2024 | 10:13
Զինծառայողներն օգտվում են քաղաքային տրանսպորտի բոլոր տեսակներից անվճար երթևեկելու իրավունքից. Կոստանյան
«Խնդիր է, որ մանդատ ունեցող անձը բռնության կոչ է անում». Զարուհի Հովհաննիսյան. ՏԵՍԱՆՅՈՒԹ
Հասարակություն
07.06.2019 | 11:52
Ինչ օրենք էլ ընդունենք, արդյո՞ք վստահ կլինենք, որ այն բոլորի նկատմամբ համաչափ է գործելու: Այսօր «Բռնության և ատելության կոչերը սոցիալական ցանցերից՝ իրականություն. հետևանքները և իրավական գնահատականներ» թեմայով քննարկման ժամանակ այս մասին նշեց «Ընդդեմ կանանց նկատմամբ բռնության» կոալիցիայի ծրագրերի համակարգող, իրավապաշտպան Զարուհի Հովհաննիսյանը։
«Մենք կարող ենք ունենալ մի էլիտար խումբ, որի մասին հայտարարություններն այդ օրենքով պատժելի կլինեն, և մի խումբ, որն անարգել կսկսի նույն բանն անել և չի դիտարկվի»,- ընդգծեց իրավապաշտպանը։
Նրա խոսքով՝ պետք է մոտեցումը պիտի փոխել՝ կանխարգելել բռնության կոչերն ու հրահրումները։
«Խնդիր է, որ մանդատ ունեցող անձն անարգել կարող է բռնության կոչեր անել, կապ չունի՝ ում մասին է ասում։ Խնդիրն այն է, որ բռնության կոչեր հնչում են անգամ օրենսդիր մարմնում և պատասխանատվության ենթարկելու հետևողական որևէ գործընթաց չի լինում»,- նշեց Զարուհի Հովհաննիսյանը։
Մանրամասները՝ տեսանյութում:
Նելլի Մելքոնյան
