29.03.2026 | 22:16
Հրդեհ ավտոմեքենայում․ տուժածներ չկան
«Ատելության խոսքին վերաբերող մեր օրենսդրությունը շատ սահմանափակ է». Հովհաննես Մադոյան. ՏԵՍԱՆՅՈՒԹ
Հասարակություն
07.06.2019 | 11:40
Բռնության և ատելության կոչերի քրեականացումը, երևի, ամենաբարդ նախաձեռնությունը կլինի։ Այն պետք է արգելվի, պարզապես շատ լավ պետք է նկարագրված լինի, թե դա ինչ է և ինչու է արգելվելու։ «Բռնության և ատելության կոչերը սոցիալական ցանցերից՝ իրականություն. հետևանքները և իրավական գնահատականներ» թեմայով քննարկման ընթացքում այս մասին ասաց «Խտրականության դեմ պայքարի և հանուն հավասարության կոալիցիա» ՀԿ-ի ղեկավար Հովհաննես Մադոյանը:
«Մենք Ռուսաստանի օրինակն ունենք այն մասին, որ քաղաքական իշխանությունների գործողությունները քննադատելն ատելության կոչ է դիտարկվում, և մարդիկ դրա համար պատժվում են, վախեցած են»,- նշեց Հովհաննես Մադոյանը։
Ըստ նրա՝ Հայաստանում ստեղծված իրավիճակի պատճառներից մեկը խոսքի ազատության և ատելության կոչերի սահմանափակման հավասարակշռությունը պահելու անկարողությունն է:
«Դա անհրաժեշտ է մեր հասարակությանը։ Գուցե կան հասարակություններ, որոնց մոտ պետք չէ օրենքով գրել, բայց այստեղ պետք է՝ նաև ելնելով նրանից, որ մեզ մոտ կոռուպցիան և բոլոր այդ բացասական երևույթները հասարակության մեջ մտած են»,- ընդգծեց «Խտրականության դեմ պայքարի և հանուն հավասարության կոալիցիա» ՀԿ-ի ղեկավարը։
Մանրամասները՝ տեսանյութում:
Նելլի Մելքոնյան
