17.12.2025 | 13:37
Փաշինյանի թեկնածությունը հաստատվել է ՔՊ ընտրական ցուցակում
ժամանակն է դադարեցնել իրեն չարդարացրած, անարդյունավետ գործելակերպը. Արարատ Միրզոյանը մասնակցել է Կենտրոնական և Արևելյան Եվրոպայի պետությունների խորհրդարանների նախագահների 4-րդ գագաթնաժողովին
Քաղաքականություն
05.06.2019 | 18:18
ՀՀ ԱԺ-ից տեղեկացնում են, որ հունիսի 5-ին Վարշավայում մեկնարկել է Կենտրոնական և Արևելյան Եվրոպայի պետությունների խորհրդարանների նախագահների 4-րդ գագաթնաժողովը:
«Այս ձևաչափը վերջին մի քանի տարիների ընթացքում Լեհաստանի խորհրդարանի կողմից ընտրված յուրօրինակ հարթակ է Եվրոպայի առջև ծառացած մարտահրավերներին արձագանքելու, ինչպես նաև փոխադարձ հետաքրքրություն ներկայացնող հարցեր քննարկելու համար:
Լեհաստանի Սեյմի և Սենատի ղեկավարներ Մարեկ Կուխչինսկու և Ստանիսլավ Կարչևսկու համատեղ հրավերով գագաթնաժողովին էին հրավիրված տարածաշրջանի խորհրդարանների ղեկավարներ, պատգամավորներ և հեղինակավոր գիտնականներ՝ քննարկելու համընդհանուր պատմության հարցերն ու ժամանակակից մարտահրավերները:
Խոսելով Արևելյան և Կենտրոնական Եվրոպայի տարածաշրջանի ընդհանրական պատմության դեպքերի, համընդհանուր մարտահրավերների և մասնավորապես՝ Հայաստանի ժողովրդավարացման օրինակի մասին, իր ելույթում Արարատ Միրզոյանը կոչ է արել գործընկերներին. «Ժամանակն է նայել և տեսնել իրական պատկերը, ժամանակն է դադարեցնել իրեն չարդարացրած, անարդյունավետ գործելակերպը, և մեր թանկ ժամանակն ու ջանքերը նոր հակամարտություններ, նոր արգելապատնեշներ և բաժանարար գծեր ստեղծելու փոխարեն, իրապես պահն է, հարգելի’ գործընկերներ, համախմբվելու և ուղղելու բոլորիս ջանքերը մեր համընդհանուր մարտահրավերները դիմակայելուն՝ ամրապնդելով ժողովրդավարությունն ու ապահովելով խաղաղությունը, խթանելով կրթությունն ու բարելավելով մարդկանց կենսապայմանները»:
Գագաթնաժողովի խոսնակներն անդրադարձել են նաև գլոբալացման, ազգային ինքնության և Կենտրոնական ու Արևելյան Եվրոպայի ապագայի շուրջ ձևավորված աշխարհաքաղաքական իրավիճակին առնչվող հարցերին»,- ասված է հաղորդագրությունում:
