11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ձերբակալված անձն ինձ մոտ միշտ դրական տպավորություն է թողել. Վալերի Օսիպյանը՝ Զաքար Հովհաննիսյանի սպանության գործով ձերբակալվածի մասին. ՏԵՍԱՆՅՈՒԹ
Հասարակություն
05.06.2019 | 16:44
ՀՀ ոստիկանապետ Վալերի Օսիպյանն այսօր խորհրդարանում լրագրողների հետ զրույցում հայտարարեց՝ մամուլից է տեղեկացել, որ Մարտի 1-ի քրեական գործի շրջանակում ձերբակալվել է 2008 թվականին ՀՀ ոստիկանության զորքերի հրամանատարի տեղակալ, շտաբի պետի պաշտոնը զբաղեցրած Գեղամ Պետրոսյանը։
Հիշեցնենք՝ նախկին բարձրաստիճան պաշտոնյան ձերբակալվել է հրազենի գործադրմամբ Զաքար Հովհաննիսյանին դիտավորությամբ կյանքից զրկելու կասկածանքով։ Օսիպյանն ասաց, որ եթե հիմնավորվի նրա արարքը, ապա պետք է պատասխանատվություն կրի։
Factor.am-ի հարցին՝ սպասելի՞ էր նրա ձերբակալությունը, Օսիպյանն արձագանքեց. «Անկեղծ ասած՝ ձերբակալված անձն ինձ մոտ միշտ դրական տպավորություն է թողել, իր գործառույթները բարեխիղճ կատարել է։ Կատարվածը չեմ կարող բացատրել, նախաքննությունը կպարզի, բայց եթե մեղավոր է, ապա պետք է պատասխանատվություն կրի»։
Հարցին էլ՝ հնարավո՞ր է, որ Մարտի 1-ի գործի բացահայտման շրջանակում Ոստիկանության նախկին և ներկա այլ բարձրաստիճան պաշտոնյաներ ձերբակալվեն, Օսիպյանը հորդորեց որևէ բան չբացառել. «Եթե պարզվի, որ որևէ մեկը մեղավոր է, անկախ նրանից, թե ով է, անգամ գնդապետ Օսիպյանը՝ ես, լինելով ՀՀ ոստիկանության պետ, մեղադրվում եմ որևէ հարցով, ապա թող պատասխանատվություն կրեմ օրենքի ողջ խստությամբ»:
Մանրամասները՝ տեսանյութում։
Շողիկ Գալստյան
